Ipinagsugo soboot ni U.S. President Donald Trump sa special forces commanders na magibo nin plano para sa posibleng paglusob sa Greenland, susog sa sarong report.
Obheto soboot kaining tolos na maagapan an Russia o China gikan sa pagkua kan nasambitan na teritoryo.
Basado sa report, pigsugo ni Trump an Joint Special Operations Command (JSOC) na magbalangkas nin plano para sa invasion, alagad pigpugulan ini kan Joint Chiefs of Staff huli sa legal asin congressional issues.
Maduon na pigkontrata man kan local leaders sa Greenland an plano, pigtawan duon nindang dae kamawotan na magin Amerikano o Dane, asin gusto sana ninda magin Greenlanders.,
Pigtuligsa man kan Europa an pahayag ni Trump, na pupwedeng magkawsa nin tensiyon sa North Atlantic Treaty Organization (NATO) asin pandaigdigang seguridad.
Naenot ng pigsaysay ni Trump sa White House na magibo sinda nin lakdang sa Greenland, gusto man ninda o dae asin pigtawan duon kaini kun bako sa diplomatikong paagi, gigibuhon kaini sa mas mahigot na paagi.
Dugang pa kan US President na kun dae ini gigibuhon kan Amerika posibleng sakupon kan Russia o China an Greenland.
