Mabilog nin duwang Executive Order (EO) si US President Donald Trump para sa programa kaining halion an diversity, equity, asin inclusion (DEI), partikular sa military base kan U.S.
An sarong Executive Order an magbabawal sa mga transgender na magsirbe sa U.S. military asin mawot man ni Trump na halion an naenot na direktiba ni former president Joe Biden kan nakalihis na taong 2021 na nagtutugot sa mga transgender na magsirbi sa militar.
An nasambitan ng bagong EO an matao pa nin mas mahigot na mga panundunan dapit sa paggamit nin mga pronoun asin gender identity, asin man an dagusan na pagbabawal sa mga transgender na magsirbe sa militar.
Sigun pa sa White House parte sana soboot ini kan sarong mas mahewas na laban kontra sa pig aapod ni Trump na “gender insanity”.
Apwera pa digde, plano man na ibalik ni Trump an mga kasapi kan militar na pinasikad sa pwesto huli soboot sa pagsayuma sa COVID-19 vaccine mandate, asin tatawan an mga ini nin back pay asin ibabalik man an saindang ranggo.
Bilog na pig orgulyo kan White House na an kasuguan na ini an sarong pagbabago soboot sa polisiya kan militar tangani na matawan-prayoridad an merit-based hiring asin halion an mga accommodation para sa mga dae nakukua an mga pisikal na pangangaipuhan kan serbisyo.
Matao nin prayoridad man soboot ini sa mga grupo siring kan minorya, kababaihan, asin magin mga may kakundian sa pagkua nin trabaho.
