Ipinagtanggol ni US President Donald Trump an pagpapakuriyat kaini nin mga National Guard sa Los Angeles.
Sinaysay kaini na mayong sirbi an mga namamayo sa California na sinda Governor Gavin Newsom asin Los Angeles Mayor Karen Bass huli sa dae ninda makontrol an mga tawo.
Nagdepensa man si Mayor Bass kun saen nagtoninong sana sinda asin nagin maribok sana kan magsagibo nin immigration raids.
Basta na sana soboot ninda inarestar an mga tawo kaya nagresulta sa pagkakaigwa nin mahewasang hiro protesta.
Maabot man sa 100 na katawo an naarestar kan mga kapulisan sa Los Angeles huli sa piggibo nindang pagraot sa nagkapirang mga establisyemento kan gobyerno.
Marurumdumang desidido man si California Governor Newsom na magsunad nin kaso kontra ki Trump huli sa pagpapalakop kaini nin National Guard nin dae pigpapaaram sainda.
