Nakaguno nin labing batikos si U.S. President Donald Trump makalihis na magheras nin sarong racist video na naglaladawan ki dating U.S. President Barack Obama asin dating First Lady Michelle Obama komo mga unggoy, na tolos man pigpura kan saiyang Truth Social account asin pigpahimutikan na nahiling kaini an nasambitan ng clip.
An video an enot na na-post kan Huwebes na nagkawsa nin pagkairita sa magkaibong na lado kan U.S. political spectrum.
Ipinahiling sa haros sarong segundong parte kan video an lalawghon kan mag-agom na Obama na pigbugtak sa lawas kan mga unggoy, komo parte kan mas halabang video na nagpo-promote nin conspiracy theories katakod kan soboot pandadaya sa 2020 U.S. presidential election.
Sa enot, pigpahimutikan kan White House an mga pambabatikos asin pig-apod ining “fake outrage.”
Sigun ki White House Press Secretary Karoline Leavitt, an video an parte soboot kan sarong internet meme.
Alagad makalihis an haros 12 oras, binawi kan administrasyon an akusasyon asin pig-ako na sarong staff member ninda an nasala nin pag-post.
Sa entrevista ki Trump sinabi kaini na dae nadalan an bilog na video antes ining mai-post. Mayo pang pahayag an kampo kan mag-agom na Obama dapit sa insidente.
