Nakatalaan an pag-abot ni US President Donald Trump ngunyan Miyerkules, Enero 21 sa Davos, Switzerland kun saen pigkukundusir an World Economic Forum (WEF) 2026.
Digde, mahampang si Trump sa mga world leader kun saen piglalaomang magigin sentro kan saiyang talumpati an mga bisyon kan Amerika kaibahan an mainit na usapin katakod sa posibleng pag-take over kan US sa Greenland.
Pangengenutan ni Trump an pinakadakulang delegasyon sa WEF, kun saen plano man kan US President na maipahiling sa Top business CEOs asin international leaders, matao ini nin speech sa conference attendees asin makikiparte sa formal signing ceremony tanganing pagtibayon an saindang pigbibilog na “Board of Peace” para pangasiwaan an pagbangon kan Gaza.
An liwat na paghampang ni Trump sa pirang world leaders sa tahaw kan kristisismong kinakahampang kaini kasunod kan kasuarin sanang pag-arestar sa Presidente kan Venezuela na si Nicolas Maduro, pagkumpiska sa langis kan nasambitan na nasyon asin an saiyang pagbabanta na itake-over an Greenland nin pwersahan kun kinakaipuhan.
