Pigkumpirmar ni U.S. President Donald Trump na mayo ini aram sa soboot regular na paggamit nin droga kan tech billionaire na si Elon Musk kan 2024 presidential elections.
Kasimbagan ini ni Trump sa report kan New York Times na nagsasabing si Musk an naggagamit soboot nin ketamine, ecstasy, asin psychedelic mushrooms mantang nakikipagtabangan kan nagdadalagan nin Presidente si Trump.
Basado sa report, bakong malinaw kun naggagamit si Musk nin droga mantang igwa nin potensyal na papel sa propwestong Department of Government Efficiency (DOGE) ni Trump.
Pagbalik gikan sa rally sa Pennsylvania, sinaysay ni Trump sa mga mamamahayag na, mayo ini nin problema ki Elon, asin pigladawan pa si Musk komo sarong “fantastic” na indibidwal.
Nagsayuma man si Trump na magtao nin dugang na komento dapit sa nasambitan ng report.
Enot na digdi, sa sarong Oval Office event, pigporbar man kan sarong reporter na haputon si Musk dapit sa nasambitan ng isyu, alagad nag-iwas na ini asin pigtuyan na sana an New York Times sa soboot biased kaining coverage kan 2016 Russian election interference.
Marurumdoman, kan Marso 2024, pig-ako ni Musk na naggagamit ini nin prescribed ketamine para sa saiyang depresyon. Naenot nang nagkawsa nin kontrobersya si Musk kan 2018 makalihis na manigarilyo nin marijuana sa sarong podcast event.
Piglahad kan New York Times na si Musk an nagdadara soboot nin pillbox na may laog nin 20 bulong, kabali na an Adderall, stimulants, asin psychedelics asin sabay-sabay man soboot kaining piggagamit.
