Ipinahayag ni U.S. President Donald Trump na kaipuhan kan Ukraine nin mga Patriot missile systems para sa saindang defense makalihis an pakikipag-ulay kaini ki Ukrainian President Volodymyr Zelensky.
Tinukoy ni Trump an bisa kan Patriot missile systems, mantang nagpapadagos an pag-airstrike kan Russia sa mga siyudad kan Ukraine.
Sigun ki Zelensky, napag-ulayan na ninda ni Trump an pagpapakusog kan air defense capabilities kan Ukraine, kaibahan an joint production, pagbakal, asin an pag-invest kan defense military.
Dugang pa kan pamayo kan Ukraine na magsasagino sinda nin mga meeting tanganing pag-ulayan an mga detalyes.
Mientrastanto, nagpatanid an Kyiv na posibleng magluya an saindang depensa makalihis pauntokon kan Washington an nagkapirang padarang armas.
Mantang an Germany man an nakikipag-ulay tanganing magbakal nin Patriot System tanganing paramientras punan an kakulangan.
Pigrepot man kan Reuters na igwang “optimism” nang nabibilog sa tahaw ninda Trump asin Zelensky kun saen maipagpapadagos an supply kan mga missiles makalihis an saindang 40 minutes na pag-urulay.
Naganap an pag-urulay pirang oras antes an pinakadakulang drone attack kan Russia sa Kyiv puon kan magpuon an giyera.
Inapod man ni Zelensky an pag-atake na sarong danyos.
Marurumdumang, enot nang nagresebir an Ukraine nin Patriot sysem gikan sa Amerika komo parte kan military aid sa irarom kan dating administrasyong Biden.
