Pina-untok ni US President Donald Trump an military aid sa Ukraine, basado sa kumpirmasyon kan White House official.
Pinauntok asin pag-aadalan paramientras an saindang itatao na aid tangani masierto na ini ay nag-aambag sa sarong solusyon.
Sigun man sa saro pang opisyal, sakop kan pagpauntok kan aid an gabos nin military equipment na mayo pa sa laog kan Ukraine.
Pigsaysay kan opisyal na an pagpauntok kan military aid sa Ukraine an direktang kasimbagan sa kun ano an nagin pananaw ni Trump sa inasal ni Zelensky sa saindang nagin pagmeeting kan nakalihis na semana sa Oval Office, na napuli sa mainit na simbagan.
Posible soboot ipagpadagos an pagtao kan US nin military aid sa Ukraine kun magpapahiling si Zelensky nin bagong commitment sa mga negosasyon tangani waksan an giyera sa Ukraine.
Susog kaya sa sarong opisyal, mawot ni Trump asin kan saiyang senior aides nin acknowledgement gikan ki Zelensky, na pwedeng sa paaagi kan public apology, antes magkasundo sa minerals deal o antes man na magkaigwa nin discussion sa pagpapadagos kan military aid.
Nahihiling man ini komo parte kan pressure strategy kan Trump administration sa Ukraine.
