Pinagbawalan paramientras kan US judge si President Donald Trump na mag-deploy nin National Guards sa Los Angeles, California sa tahaw kan mga protesta kontra sa ikinakasang raids sa siyudad.
Katakod kaini, pigsugo ni San Francisco-based US District Judge Charles Breyer sa National Guard na magbalik sa irarom kan kontrol ni California Governor Gavin Newsom na iyong nagrekomendar na restriktuhan an US president sa pagdedeploy nin mga tropa.
Epektibo an kasugoan kan US judge sa Biyernes nin pagkaudto, oras sa Amerika.
Mientrastanto, tulos man na pig-apelar kan Trump administration an kasugoan kan huwes.
Marurumdoman, naenot ng pigsugo ni Trump an pagdedeploy nin National Guard asin pigsunudan kan pagpapalakop nin Marines sa mga protest site tanganing matabangan an federal police forces na bantayan an mga edificio kan gobyerno kan Amerika asin proteheran an federal immigration agents gikan sa mga posibleng pag-atake kan mga nagpoprotesta.
