Pigsaysay kan Commission on Elections an kapasidad kan ‘trusted build’ sa saindang pilot online voting asin counting system para sa May 12 midterm elections.
An kaganapan an pig atendian kan mga miyembro kan Comelec, Technical Evaluation Committee asin election observers siring kan Parish Pastoral Council for Responsible Voting asin man National Citizens’ Movement for Free Elections.
Sinabi ni Comelec Chairman George Garcia na ini na an huring pagporbar para sa saindang sistema na kina-imbweltuhan kan saindang source code.
Piglalaoman kan komisyon na maluwas nin sertipikasyon para sa Automated Election System pagkatapos kaini. Sinabi ni Garcia na sarong international certifier an maabot sa masunod na semana tangani saksihan an pig-aapod na sealing kan source code, na pagkatapos, idedeposito sa Bangko Sentral ng Pilipinas.
Mientrastanto, an sertipikasyon an isusumiter sa Technical Evaluation Committee, sarong independent body na pigbibilog kan mga indibidwal gikan sa poll body, Department of Science and Technology, asin man Department of Information and Communications Technology
