NAGA CITY- Nagtitinir na potable pa man giraray an tubig kan MNWD. Sa entrevista kan Bombo Radyo Naga ki Choppy Dy-liacco Dela Cruz – Public Relation Officer, Metropolitan Naga Water District, sinaysay kaini na potable an tubig nakukua sa gabos na mga water resources asin mga pumping stations.
Kun igwa man nin pangyayaring mahilingan nin ati sa linya kan tubig, ini huli ta nag eerode an mga balon kaya haros may mga baybay na nagruruluwas sa tubig.
Sigun ki Dela Cruz, an mga nahihiling man na kolor yellow sa tubig an bakong buot sabihon na takla, huli ta plastik an ginagamit na tubo kan water district.
Gabos soboot na mga water district nagribay na sa PVC na mga tubo, asin an mga kolor yellow na ini an mga residue sana kan clorine na nakadukot sa nasambitan ng mga tubo.
Sigun pa sa opisyal, igwa sinda nin daily test na piggigibo sa mga sources na kun saen, naglilibot an saindnag mga tauhan na gikan sa Water QUALITY tangani macheck an kalidad kan mga pigkukuruang tubig.
Oras na igwa nin mahilingan na bacteria sa water sources, insigida an saindang pag sa-shutdown.
Halimbawa na sana digde, an mga nainot nang pinapundo siring kan Canaman Pumping Station, asin San Felipe 2 Pumping Station huli ta dae na pigkokonsiderar na suitable para sa human consumption.
Sa ngunyan, pagirumdom pa ni Dela Cruz sa gabos na mga kunsumidores na kun igwa man na manutaran pang mga ati sa linya nin tubig, tulos man na ireport sa saindang opisina para sa tulos man na flushing asin paglilinig kaini.
