NAGA CITY – Pangapodan kan sarong opisyal kan simbahan an tunay na debosyon ngunyan na papaabuton na kafiestahan sa siyudad nin Naga.
Sa entrevista kan Bombo Radyo Naga ki Engr. Willy P. Menes- Archdiocesan President, Congradia de San Jose, sinaysay kaini na an pagde-debosyon an bako sana man piggigibo tuyong traslacion asin fluvial sana, asin bako soboot ining inaapod na panata na tuyong ka-fiestahan sana ni Inang Peñafrancia, imbes an boot sabihon kan panata an tanganing igwang mabago sa buhay kan sarong tawo.
Dugang pa kaini na an tunay na debosyon an dapat na mahiling mismo si Ina sa personalidad kan deboto boot sabihon igwa soboot nangyayari buhay komo sarong deboto.
Sigun pa ki Menes, kaya kita man nagdedebosyon an tanganing makaibahan ta an kagurangnan sa saiyang kahadean pag-abot nin aldaw kun saen kun ano man an satuyang kahagadan asin itinao ni Ina sa paagi kan satuyang debosyon an bonus na sana soboot huli man ta parte man ini kan satuyang pagkabuhay digde sa daga.
Pigtawan-duon pa kaini na darahon soboot an pagdedebosyon sa pig-aapod na ‘authentice devotion’ na bako sana matatapos an debosyon kan mga deboto sa traslacion asin fluvial procession kundi pati sa santa misa, huli man ta magigin useless soboot an pagigin deboto kun dae man sana nag-aatendir nin misa.
