Nagtutubod si Senate Minority Leader Alan Peter Cayetano na an tunay na reporma sa Pilipinas mangyayari sana kun gabos na mga Pilipino makakamati kan inaapod kaining “revival of the heart” o an pagbuhay liwat kan puso.
Sigun sa saiya, mayong pulitikal o legal na solusyon na maserbe kun dae ini naka ugat sa tataramon kan Dios.
Dugang pa kan opisyal, an problema kan nasyon bakong pulitikal na problema sana kundi sarong espiritwal na problema, ini an sayang nagin pahayag sa ika-43 na anibersaryo kan All for Christ Church Taguig kan nakalihis na Oktubre 26, 2025.
Mantang an paglaom kan gabos nakabase sa mga politiko asin bagong mga ley, mayong mangyayari kun dae soboot itinatag an mga ini sa tataramon kan Dios. Pigtawan duon ni Cayetano, bakong pulitikal o legal sana an mga problema kan nasyon kundi moral asin espiritwal man.
Dakol an naglalaom nin pagbabago, alagad nalilingawan an pinaka importanteng lakdang iyo an pagbabago na gikan sa puso. Ipinaliwanag pa kan senador na an revival nagpopoon sa pagbalik kan relasyon kan tawo sa Dios, na nagbubunga nin pagkakasararo sa simbahan asin reporma sa nasyon.
Dugang pa kaini, nagtitinir na bihag an Pilipinas sa “vicious cycle” nin katiwalian asin imoralidad huli ta pigpa-prioridad pa kan kadaklan an pulitikal na rebolusyon kumparar sa espiritwal na pagbabago.
Pig inkaminar man ni Cayetano an mga simbahan na ipadagos an pagpapalakop nin revival sa saindang mga komunidad huli ta segun sa saiya, an pagtubod an dapat pirming mangenot antes an anuman na reporma.
