Pigpuunan ni Pope Leo XIV an saiyang enot na biyahe sa ibang nasyon sa Turkey, enot sa apat na aldaw na pagbisita.
Sa saiyang talumpati ki Presidente Recep Tayyip Erdogan sa Ankara, pig-enkaminar kaini an Turkey na gampanan an papel komo taga-pagultan sa mga sigalot sa nasyon siring kan Gaza asin Ukraine.
Pigpuri kaini an Turkey komo tulay kan Silangan asin Kanluran mantang pigtawan duon na an pagkakaiba-iba kan kultura asin relihiyon an nagpapauswag sa lipunan.
Pigtawan duon man ni Erdogan na mayong saysay an diskriminasyon sa Turkey asin ang pagkakaiba kan kayamanan.
Pigpuri kaini an paninindugan kan papa sa Palestinian cause asin nangapudan kan hustisya sa paagi kan two-state solution.
An Santo Papa pigbuyagyag na an mga Kristiyano mawot mag-ambag sa pagkakasararo kan nasyon asin parte kan identity kan Turkey.
Si Pope Leo an ikalimang Santo Papa na nagbisita sa Turkey, kasunod ni Pope Paul VI, Pope John Paul II, Pope Benedict XVI, Asin Pope Francis.
Sa domingo, pasiring naman ini sa Lebanon na presenteng nakakaeksperyensiya nin matinding krisis asin pambobomba gikan sa Israel.
