Pigpuonan na kan United States Customs an pagkolektar kan unilateral na 10% na taripa ni US President Donald Trump sa gabos kan pig-aangkat gikan sa kadakol na nasyon.
An primerong 10% “baseline” na taripa na babayadan kan mga importer kan U.S an nagpuon sa mga seaport, palupadan asin customs warehouse kan U.S.
Kaibahan sa mga nasyong enot na tinamaan kan 10% na taripa iyo an Australia, Britain, Colombia, Argentina, Egypt asin Saudi Arabia.
Nakasaad sa bulletin kan U.S. Customs and Border Protection sa mga shipper na mayong grace period o palugit para sa mga kargamento sa kadagatan kan nakalihis na Sabadong banggi.
Advertisement
Advertisement
