Ginawadan kan gobyerno kan United Arab Emirates (UAE) nin royal clemency an labi sa 115 na Pailipino na convicted sa manlaen laeng offense sa saindang nasyon komo parte kan obserbasyon kan Ramadan asin man an nararani na Eid Al-Fitr.
Pinasalamatan kan Philippine Embassy an gobyerno kan UAE sa pamamayo kan Presidente kaini na si Sheikh Mohamed bin Zayed Al Nahyan, Vice President asin Prime Minister Sheikh Mohammed bin Rashid Al Maktoum sa ginibong paggawad nin clemeny sa mga Pilipino.
Sa sarong pahayag, ipinaabot kan embahada na an aksyon na ini an nagpapahiling sana nin ‘true spirit of mercy’ orog na ngunyan na obserbasyon nin Ramadan na iyong konsepto soboot kan pagkasararo.
Pigkokonsiderar man na sarong dalan an nagin paggawad nin clemency sa mga kababayang pinoy para sa mas hararom asin matibay na koneksyon asin pag ibahan sa pag ultanan kan Pilipinas asin kan UAE.
Mientrastanto, pigtawan importansya kan PH Embassy an humanitaraian principles kan UAE para sa pagtatao nin padagos na suporta sa mga Pilipino na presenteng nasa saindang nasyon.
