Aram baya nindo mga ka-Bombo naging palaisipan sa mga archaeologist an nahukay na pirang pidaso kan kadakulang sapatos na haros sarong ruler an laba, asin pigkakarkulong 2,000 taon na an nakakakalihis sa sarong Roman site sa northern England.
Sa report, sinabing igwa nin sukol na 30-centimeter (haros 12 pulgada o sarong ruler) an laba kan mga sapatos —na katampad kan size 49 sa Europe asin size 15 man sa US— an nahiling kan mga archaeologist gikan sa Vindolanda Charity Trust kan nakalihis na mga bulan.
Pigtatag an charity trust kan 1970 tanganing maghanap, magsagibo nin pag-iingat, asin ipaaram an mga bangkay kan Romano na mahihiling sa mga lugar kan Vindolanda asin Carvoran, na parehong parte kan Hadrian’s Wall World Heritage Site sa hilagang Inglatera.
Nadukayan an walong darakulang sapatos sa sarong defensive ditch na karaniwang ginigibong apodan nin basura kan mga Romano sa Magna Roman Fort sa Northumberland.
Sigun ki Rachel Frame, sarong senior archaeologist kan proyekto, didiit na parta sana kan koleksyon kan sapatos sa Vindolanda an may magkakaparehong sukol. Alagad pira sa nahiling sa Magna site an darakulo.
Pig-apod ninda ini na “really unusual.”
Dugang pa kaini, sabik sindang maaraman kun anong grupo o regiments an nakaposisyon sa Magna asin tano kadakol nin darakulang sapatos an nahiling sa nasambitan ng lugar kumpara sa iba.
Basado sa website kan Vindolanda, natuklasan an enot na bakong pangkaraniwang dakulang sapatos” kan Mayo 21, asin padagos pa sindang n akakahanap kan siring na sapatos kaidto.
