Nagsagibo nin primerong direktang paguulay an mga negotiator sa pag-ultanan kan Ukraine asin Russia kan nakalihis na Biyernes sa Istanbul.
Ini an makalihis an labi sa tulong taon magpuon kan sumiklab an giyera sa pag ulatanan kan duwang nasambitan ng nasyon.
An pag urulay na pigkundusir sa Dolmabahce Palace sa Bosphorus an sarong sinyales nin diplomatic progress sa pag ulatanan kan magkaibong na lado na dae pa nuarin man nagkaatubang magpuon kan nakalihis na Marso 2022.
An Estados Unidos saro sa nagsisirbing mediator an ipinadara si US State Department director of policy planning Michael Anton tangani magrepresenta sa Amerika sa nasambitang pag-urulay.
Sa lado man kan Ukraine, ipinadara ni President Volodymyr Zelensky an saiyang team na pinangunutan ni Defense Minister Rustem Umerov kaiba an deputy heads of Ukraine Intelligence services, deputy chief kan military general staff asin man deputy foreign minister.
Ang delegasyon man kan Russia an pinangenutan ni Kremlin aide Vladimir Medinsky kabali an deputy defense minister, deputy foreign minister asin magin an head kan military intelligence.
Sigun sa Turkish Foreign Ministry, isinagibo an trilateral meeting sa pag ulatanan kan mga opisyal kan Turkey, US asin man Ukraine kabali man si US Secretary of State Marco Rubio, sinundan ini kan pag urulay sa pag ultanan kan mga delegasyon kan Russia asin Ukraine kaiba an mga opisyal kan US asin Turkey.
Alagad hababa man an pinaglalaomang breakthrough sa Ukraine peace talks makalihis na enot ng ihayag ni US President Donald Trump na mayong piglalaomang progreso o pag-usad sa peace talks hasta sa dae sinda nagkakaulay ni Russian President Vladimir Putin.
