Naghagad an Ukraine sa Organization for the Prohibition of Chemical Weapons (OPCW) na imbestigaran an paggamit kan Russia sa soboot ipinagbabawal na chemical weapons kontra sa Ukranian troops.
Isinampa an kahagadan kasunod kan report gikan sa mga intelligence kan Netherlands asin Germany na nagsasabing may ebidensya kan mahewasang paggamit nin mga chemical weapons kan Russia sa frontlines kan gyera.
Sigun man ki OPCW Director-General Fernando Arias na pahihiguton na ninda an pagmamatyag sa mga lugar kun saen naireport na ginagamitan nin chemical weapon asin pig inkaminar man an Ukraine na pag ulayan an propwesto sa mga miyembro kan estado.
Kaipuhan kaya munang suportaran kan mayorya an kahagadan tangani maisakatuparan an imbestigasyon.
Obheto kan propwesto na mangalap nin dugang na ebidensya asin tukuyon an mga may sala, tagapag-organisa, asin tagapondo kan paggamit nin mga chemical weapons. Basado sa report kan Dutch Military Intelligence, tulong suldados kan Ukraine an nagadan asin labi sa 2,500 an nagpahiling nin sintomas nin kemikal sa saindang lawas.
Mientrastanto, pigbali kan United Kingdom sa saindang chemical weapons sanctions list an duwang indibidwal asin sarong entity gikan Russia komo parte kan padusa katakod kan paggamit kan ipinagbabawal na armas.
Mayo pang opisyal na kasimbagan an OPCW sa kahagadan kan Ukraine mantang nagpapadagos an apat na aldaw na closed door meating kan mga executive kaini.
