Kinumpirmar kan Ukraine na naraot kaini an duwang primerong tulay kan Russia sa paagi kan paggamit kan mga baratong klase kan drones na nagkakantidad nin $600 tanganing pasabugon an mines asin ammunition na itinanom duman kan Russian forces.
Naenot na kayang tinanoman kan Russia nin mga pampasabog an duwang tulay tanganing pasabugon enkaso biglang mag-abanse an Ukrainian forces.
Alagad, sigun sa Ukrainian military ginamit man kan Russian military an mga tulay tanganing mag-resupply kan saindang mga tropang soldados, kaya ginamit ini kan Ukraine sa saindang sadiring bentahe.
An 58th Separate Motorized Infantry Brigade kan Ukraine an nagsagibo kan operasyon na ikinasar makalihis na manutaran an kakaibang aktibidad sa lugar.
Sa video na nakuanan kan drone, nadiskubre an dakulang bulto kan anti-tank mines asin iba pang ammunition asin pidaso kan fabric na nakapatos kaya tinamaan ninda ini asin pinasabog.
Sa ngunyan, mayo pang komentong iniluluwas an Russia sa pag-atake sa mga tulay.
