Liwat na nangapudan nin tabang si Ukrainian President Volodymyr Zelenskyy sa mga kaalyadong nasyon na tabangan sindang pakusugon an saindang air-defense.
Sa saiyang pag-atender sa Rome Conference, nagkaigwa nin tsansa an Ukrainian President na makahampang an nagkapirang mga mga lider.
Kaibahan naman an pagkakaigwa kaini nin video call sa haros 30 na nasyon na pig-apod kaining Coalition of the Willing.
Pigtawan duon pa ni Zelenskyy na importante na maitataong tabang kan mga nasyon orog na ta dae nag-uuntok an Russia sa mga air strike kaini sa labi tolong taon na giyera.
Naghurot man an opisyal sa European Union na dapat an ipautob tolos an sanctions kontra sa Russia.
Nagpromesa man an United Kingdom na magsusuplay sinda nin labing 5,000 na air defense missiles sa Ukraine asin labi $384 milyon na tabang na bulong asin pagkakan.
Ini na an pang-apat na meeting kun saen ngunyan an naging host si Italian Prime Minister Giorgia Meloni.
