Pigpasalamatan ni Ukrainian President Volodymyr Zelensky si US President Donald Trump huli sa pagtabang kaini tanganing dagusan nang matapos an giyera ninda kan Russia.
Sa ginibong pagbisita ni Zelensky sa White House, nagin mas magian na ini kumparar sa enot na paghihilingan haros anom na bulan na an nakakalihis.
Pig-abot man ni Zelensky an surat gikan sa saiyang agom para ki US First Lady Melania Trump.
Pig-arog kaini an ginibong pagsurat ni US First Lady Melania Trump ki Russian President Vladimir Putin kan sinda naghilingan pa ni Trump sa Alaska kun saen nakapalaman na dapat proteheran ninda an mga inosente.
Sa nasambitan ng meeting, pigsaysay ni Trump na igwang dakulang tsansa na magkaulay sindang tolo ni Putin para sa pagtatapos na kan giyera.
Pigsierto man ni Trump na matatapos an giyera kun talagang mamawoton kan duwang lado.
