Piglinaw kan Department of Health (DOH) na fake an nagkukuriyat na post sa social media na nagsasabing kontaminado soboot kan Human immunodeficiency virus (HIV) an needle na pigtutudok kan miyembro kan Faculty of Medicine na naghaharong-harong para sa Blood sugar tests.
Sa sarong advisory, sinaysay kan DOH na an nasambitan ng claim an pinahimutikan na man kan Philippine National Police (PNP) asin pigkumpirmar na saro soboot ining scare tactic na mayong factual basis.
Katakod kaini, pig-enkaminar man kan ahensiya an publiko na dae i-share an bakong beripikadong claims na posibleng magkawsa nin pagkaalarma.
Pig-eenkaminar man an publiko na maniwala sana sa mga impormasyon gikan sa lehitimong sources asin platforms siring kan health department na puwedeng ma-access sa paagi kan saindang official social media accounts asin website.
