NAGA CITY- Plano ngonyan kan sarong ama na sangatan nin kaso an mismong panugangan kaini makalihis na piriton na paakion an saiyang esposa na napuli sa pagkagadan kan umboy sa banwaan nin Buhi, Camarines Sur.
Sa entrevista kan Bombo Radyo Naga ki Jun Pellogo, sinaysay kaining imbes na darahon sa ospital an saiyang ago na si Maricar, pinagtabangan suboot ining paakion kan saiyang panugangan katabang an saro pa kaining aki.
Sigon ki Pellogo, bigla na sanang nagluwas an aki mantang nakatindog an saiyang agom kun kaya nabutong an pusod kan umboy.
Apwera digdi, kutsilyo man suboot an ginamit kan saiyang panugangan sa pagputol sa pusod kan aki.
Makalihis an pirang oras, bigla na sana suboot na nag-init an lawas kan aki kun kaya pigdalagan na ini sa ospital alagad dae na naagapan pa an buhay kaini.
