NAGA CITY– Nasa marhay ng kamugtakan an mga contigents kan United Nations (UN) makalihis maaksidente an piglulunadan kan mga ini pag-abot sa Diversion road, Purok Baybayin, Barangay Ibabang Dupay, Lucena City.
Sa entrevista kan Bombo Radyo Naga ki LtCol. Dennis Cana, tagapagtaram kan Southern Luzon Command (SOLCOM), sinaysay kaining pasiring kuta na an nasambitan ng grupo sa mismong headquarters kan Solcom para pag-urulayan an manungod sa mga humanitarian projects asin BALIKATAN Exercises na nakatalaang gibuhon sa masunod na taon.
Alagad pag-abot sa nasambitan ng lugar, aksidenteng nakabangga an piglulunadan kan mga ini sa delivery truck na minamaneho ni Derick Orig.
Katakod kaini, nagsapo nin minor injuries sinda LtCol Stewart Raaf asin Lt. Eldredge Usn na tulos man na idinalagan sa ospital.
Sa ngonian, nagpapadagos pa an imbestigasyon kan PNP – Lucena sa nasambitan ng insidente.
