Ikinahadit liwat kan United Nations (UN) an padagos na pagdakol kan mga nawawaraan nin istaran huli sa padagos na kariribokan sa Gaza.
Sigun ki Stephane Dujarric an tagapagtaram ni UN Secretary-General Antonio Guterres, na maabot na sa haros 200,000 na mga katawo an nawaraan nin mga istaran.
Sakop kaini an haros gabos kan parte kan Gaza huli sa mayonv humpay na pag-atake kan Israel. Igwa sanang limang truck ninda na igwang mga pagkakan asin mga bulong an nakalaog sa Gaza.
An ibang 60 na trucks an kaipuhan magbweltada sa crossing huli sa matinding labanan.
Advertisement
Dae man ninda napugolan an looters kun saen hinabon kan nagkapirang mga residentes kan Gaza an mga pagkakan asin mga bulong na para sana sa igwang mga helang.
Advertisement
