Puspusan na an preparasyon kan pamayuhan kan Manila Police District (MPD) para sa pagselebrar kan Undas 2024.
Sigun ki MPD-Public Information Office Chief Major Pilipp Ines, nagsasagibo na ini nin tactical asin strategic plam para sa seguridad kan lambang mapasasiring sa Manila North Cementery asin South Cementery na pigmamanehar kan syudad nin Maynila.
Kaparehas soboot kan nakalihis na Undas na Oktubre 28 pa sana igwang nakadeploy ng mga kapulisan sa laog asin luwas kan MNC siring man sa mismong Manila North Cementery.
Sa numero kun pira an MPD Personnel na ipapakuriyat pigsaysay ni Ines na maluwas nin bagong update an pamayuhan kan MPD sa oras na maplantsa an saindang preparasyon.
Piglalaoman man kan opisyal na milyon an mabisita gikan sa manlaen- laen na parte kan Metro Manila asin kataid na mga probinsya asin banwaan an mapasiring sa sementeryo tanganging magbisita sa saindang kanya-kanyang mga namaaram na kapamilya.
Mientrastanto, naenot nang nagluwas nin iskedyul an lokal na gobierno kan Maynila kun sain pigsaysay ni MNC Director Yayay Castaned na pwede nang maglinig, magpintura sa mga puntod kan mga mabisitang kapamilya hasta Oktubre 25.
Mientrastanto, suspendido naman an cremation hasta Oktubre 28 mantang an opisina kan MNC an sarado sa Oktubre 27 hasta Nobyembre 3.
Gabos kan serbisyon kaini kabali na an cremation asin lubong an bubuksan liwat sa Nobyembre 4.
Puon man sa Oktobre 24 hasta Nobyembre 4, an main gate kan sementeryo an bukas puon alas-5 nin pagkahapon.
