Ipigreport kan Philippine Statistics Authority (PSA) na bahagyang nagbaba an umemployment rate kan nasyon kan nakalihis na Setyembre 2025.
Dara ini kan pagdakol kan trabaho sa sektor ka agrikultura, pagmimina, asin konstruksiyon.
Naikurit an joblessness rate sa 3.8 porsyento, mas hababa kumparar sa 3.9 porsyento kan nakalihis na bulan nin Agosto.
Sigun ki National Statistician Dennis Mapa, igwang 129,000 bagong trabaho sa mga tanuman kan paroy asin pag-aataman kan orig, dara kan pana-panahong pag-uswag sa sektor kan pag-oma.
Dugang pa digde, nag-ako man nin mas kadakol na obrero an mga kompaniya sa konstruksyon, pagmimina, asin mga eskwelahan.
Pigpapahiling kan datos na igwang positibong paghiro sa merkado kan paggibo.
Siring man, padagos pa man na pigbabantayan an mga sektor na igwang hababang pag-uswag kan trabaho.
Target kan gobyerno na mamantinir an pagbaba kan unemployment sa mga masunod na bulan.
