Opisyal nang nag-shut down an gobyerno kan Estados Unidos makalihis mabigo an Senado na maipasar an huring minutong funding bill o propwestong pondo na kuta an mapadagos sa operasyon kan gobyerno.
Buot sabihon, paramientras mapapauntok an pira, alagad bako gabos kan mga serbisyo kan gobyerno.
Ini man an primerong shutdown magpuon pa kan taong 2018 hasta 2019.
Sigun sa mga report, maaapektaran digde an nagkapirang ahensya asin man mga obrero kan gobyerno, mantang an mga importanteng serbisyo siring kan seguridad asin salud an magpapadagos.
Advertisement
An kaganapang ini an kawsa kan dae pagkakasundo kan mga Senador sa pondo kan gobyerno, na nagdara nin biglaang pagsasarado kan nagkapirang parte kan operasyon kan gobyerno kan Amerika.
Advertisement
