Nagpaplano an administrasyon ni US President Donald Trump, na mag-deport nin labi 150 Afghan immigrants pabalik sa Afghanistan sa paagi kan Pakistan.
Ini parte kan agresibong kampanya kan saiyang administrasyon kontra sa mga ilegal na dayuhan, asin konektado sa travel ban na ipinagboot ni Trump sa nagkapirang nasyon, kaiba an Afghanistan.
Katuyuhan man kan orden na ini na tapuson an deportation protection para sa mga Afghans, kaiba an mga tinawan na nin special immigrant visa asin an mga paryente kan nagtabang sa militar kan US bago bumagsak an Kabul sa kamot kan Taliban.
Huli ta dai direktang makakabalik an US nin mga Afghans sa Afghanistan, makikipag-ugnayan ini sa Pakistan tanganing asikasuhon an saindang pagka-deport.
Nangyayari ini sa tahaw kan nagluya nang relasyon kan Pakistan asin Afghanistan, kun sain an Islamabad nagpatupad man nin sadiri kaining repatriation policy para sa mga Afghan citizens na mayong visa sa Pakistan.
An pinakaenot na flight na magdadara kan mga nasabing immigrants nakatalaan na maglupad sa Lunes.
