Pig-anunsyar kan Estados Unidos an pagtatao nin dugang $250 million o katampad kan poco mas o menos P13.8 billion na tabang pinansiyal sa Pilipinas.
Obheto kan pondong ini na pakusugon an mga serbisyong pangsalud sa nasyon, kaibahan an paglikay asin pagkontrol kan tuberculosis, pagpapamarhay kan salud asin nutrisyon kan mga kaakian, kasabay kan pagpapahewas kan mental health services.
Sigun sa US Department of State, parte ini kan padagos na pagtatabangan kan duwang nasyon tanganing masimbagan an mga huma sa pampublikong kalusugan.
Katakod kaini an mga proyektong pigkokonsiderar na prayoridad an pamahalaan kan US Embassy Foreign Assistance Section, asin nakatuon sa supply chain management, data systems, asin pagpapakarhay kan mga laboratoryo sa nasyon.
An bagong tabang, kasunod kan naenot na P3 billion na pig-anunsyar man kan Estados Unidos makalihis an pag-urulay ninda US President Donald Trump asin Presidente Ferdinand Marcos Jr. sa White House kan nakalihis Hulyo na nakatagama sa resilience kan energy sector, Luzon Economic Corridor, asin pagpapakusog kan defense military kan Pilipinas.
Sa kabilogan, nag-abot na sa labi P17 million an tabang na naitatao kan Amerika sa Pilipinas ngunyan na 2025.
