Pig-anusyar kan U.S. Central Command (CENTCOM) kan nakalihis na Sabado na nagsagibo sinda nin 1- serye kan pag-atake kontra sa labi 30 target kan grupong Islamic State (ISIS) sa Syria.
Sa report kan militar, isinagibo an mga nasambitan ng operasyon sa tahaw kan Pebrero 3 hasta Pebrero 12.
Sigun sa CENTCOM, partikular na pinatamaan kan Estados Unidos an mga imprastraktura asin imbakan kan mga armas kan ISIS tanganing paluyahon an kapasidad kan nasambitan ng teroristang grupo.
Obheto kan mga serye kan pag-atakeng ini na mamantinir an seguridad sa rehiyon asin pugolan an liwat na pagkusog kan pwersa kan Islamic State.
Binomba kan mga pwersang Amerikano an mga kritikal na imprastraktura kan ISIS, kaibahan an mga kampo, command centers, asin mga pasilidad para sa imbakan kan makukusog na klase kan armas.
Alagad maski dae tinukoy an eksaktong mga banwaan, an operasyon an nakatutok sa mga bistadong kura kan mga natatadang pwersa kan Islamic State sa laog kan teritoryo kan Syria.
Sigun sa report, mayong naireport na nairido o binawian nin buhay sa kampo kan mga soldados na Amerika sa kabilogang 10 aldaw na operasyon.
Sa ibong kan pagkadaog kan ISIS sa saindang “caliphate” kan taong-2019, nagtitinir an huma kan mga “sleeper cells” kaini sa Iraq asin Syria, na padagos man na pigbabantayan kan U.S. asin kan saindang mga kaalyadong pwersa.
