Sinaksihan ni US President Donald Trump an pagtinta kan kasunduang pangkatuninungan sa pag-ultanan kan Thailand asin Cambodia pag-abot kaini sa Malaysia kan nakalihis na aldaw.
Nagpaabot man si Trump kan saiyang pakikidumamay sa pagkagadan kan Reyna Ina kan Thailand, na si Queen Sirikit, ina kan presenteng hade na si King Vajiralongkorn.
Huli sa pagkagadan kan Reyna Ina, ipinagpapauktaba ni Thai Prime Minister Anutin Charnvirakul an saiyang pag-atendir sa ASEAN Summit, alagad pigsierto na dadarahon pa man giraray ini sa pirmahan kan peace deal kaiba sinda Trump asin an Primer Ministro kan Malaysia.
An nasambitan ng kasunduan an tuyong tapuson an halawig nang tensyon sa pag-ultanan kan Thailand asin Cambodia, na nagresulta sa labi sa 40 indibidwal na nagadan asin 300,000 nag ibakwar kan nakalihis na bulan nin Hulyo.
Susog sa mga report, si Trump mismo an nagbusol kan untok-putukan sa duwang nasyon pakatapos kan limang aldaw nin gyera.
Pahayag pa ni President Trump, makaogma an pangyayari na ini huli ta nagibo kaini an bagay na pighuna kan kagabsan dae kaini kayang magibo. Sa paagi kan peace deal naisalbar man an milyones na buhay kan mga tawo
