Kinondenar ni U.S. Secretary of State Marco Rubio an China huli sa pag-arestar sa labi sa 30 miyembro asin lideres kan dae rehistradong Zion Church magpuon kan nakalihis na Oktubre 9.
Sa sarong pahayag kan Dominggo, nangapudan si Rubio para sa tulos na pagpapalaya sa mga inarestar asin inapod an insidente komo pagbalgar sa kalayaan sa relihiyon.
An Zion Church, na itinatag sa Beijing kan nakalihis na taong 2007, an padagos na naghihiro sa poco mas o menos 40 syudad sa ibong kan ipasarado ini kan mga awtoridad kan nakalihis na taong 2018.
Nagsayuma man na magtao nin detalyes an tagapagtaram kan Chinese Foreign Ministry asin sinabing dae ninda aram an insidente.
Dugang pa kan opisyal, maduong tinututulan kan Beijing an ano man na pakikiaram kan Amerika sa mga panlaog na urulay kan China gamit an isyu kan relihiyon.
Napagaraman na an insidente an parte kan mas mahigot na panundunan kan China kontra sa mga dae rehistradong grupong panrelihiyon, na ikinababahala kan kadakol na mga nasyon sa west.
