Pigtawan duon ni US Secretary of State Marco Rubio na temporaryo sana an relocation kan namamanwaan sa Gaza.
Ini an kasunod kan nagin kapahayagan ni US President Donald Trump na iti-take over kan US an Gaza asin ibabalyo an milyun-milyong mga Palestino na nakaistar sa lugar sa pagtaraid na nasyon.
Marurumduman an nasambitan ng lakdang an nakaguno nin batikos gikan sa United Nations, human rights groups asin Arab leaders.
Pigsaysay ni Trump kan nakalihis na Martes na an displacement kan mga namamanwaan kan Gaza an permanente.
Alagad sa saiyang biyahe pasiring sa Guatemala, pigdepensaran ni Rubio an prosopwesto ni Trump asin pigsaysay na an lakdang an bakong maraot imbes ini an maikokonsederar na generous move na nagpapahiling nin kapreparaduhan kan Amerika na akuon an responsibilidad sa liwat na pagtitindog kan nasambitan ng teritoryo.
Piglinaw man ni White House spokesman Karoline Leavitt an naging pahayag ni Trump asin ipinaliwanag na dae pigpaplano kan US na magpadara nin combat troops sa Gaza.
