Nahihilingan nin potensiyal si US Vice President Kamala Harris na manggana sa nararaning US election.
Sa report ni Bombo International News Correspondenti Virginia Conteras gikan sa San Francisco, California, pigsaysay kaini na gitgitan an laban na kun saen banga-banga an boto asin dae soboot ninda aram kun sisay an maluwas.
Katakod digde, pigpangadyi man soboot ninda na marhay an manggagana na kandidato.
Sigun man sa Filipino Community na yaon sa US, kan administrasyon man ni Trump magayon an ekonomiya alagad antes na magtukaw si Trump gikan soboot ini ki Obama.
Dugang pa nin Contreras na haloy na ini komo american citizen asin pig-isip pa man giraray kaini na adapted citizen kan nasambitan ng nasyon asin man saro sa mga requirements an pagrespeto sa konstitusyon kan Amerika huli ta ini man soboot an nagtatao sa sainda nin giya o direksyon kun pano kaini poproteksiyonan an gobyerno kan Estado Unidos.
Pigtawan-duon pa man ni Conteras na nagsusunod sinda sa kun ano man an konstitusyon asin kun ano an sa hiling kaining tama asin saro sa mga provision kan konstitusyon kan nasyon an the right to self determination, iyo ini an basehan na an tawo igwa nin derechos na sunodon an saiyang kaogmahan, asin derechos na magpili nin mga desisyon na mapabor sa saiya.
Pigsaysay pa kaini na kun sisay man sa mga kandidato an nagsusuporta sa konstitusyon kan Amerika duman man soboot an saindang suporta.
Para man sa iba laog sa kwalipikasyon si Kamala Harris. Marurumduman na si Kamala Harris sarong asyana/asyano asin African-American na nag-adal nin abogasya sa Coward University na unibersidad kan mga black americans, nag-adal pa soboot si Harris sa UCSF sa College of Law.
Makalihis man sa pag-adal nagin senador si Harris, nagin attorney general. Sa hiling man ni Contreras na pwede soboot manggaa si Harris alagad gitgitan an laban kontra ki dating US President Donald Trump.
