Liwat na nagbwelta si Palace Press Officer Undersecretary Claire Casto kontra ki Vice President Sara Duterte katakod sa mga akusasyon kaini na nagkukwestiyon sa integridad asin kredibilidad kan Independent Commission for Infrastructure.
Sa sarong pahayag diretsahang tinuyaw ni USec Castro an soboot mga mayong basehang pahayag ni VP Sara na obhetong rauton an integridad kan mga tawong nasa likod kan imbestigasyon sa nagkapirang isyu kan katiwalian.
Sigun pa ki Castro na makahirak soboot an mga tawong parte kan gobyerno alagad dae man nakakatabang sa nasyon.
Siring man mas orog pa soboot makahirak an mga pig-elehit komo public servant alagad puro haka haka sana an pigsasabi tangani sanang makapangraot.
Binanggit man ni Castro an soboot kakulangan kan Bise Presidente sa paglatag kan mga totoong ebidensiya.
Pigtawan duon pa kaini na an mga tahi-tahing istorya ni VP Sara an mayong importansiya asin dae dapat na intindihon pa.
Dugang pa ni Castro, na garo igwang pigtatago si VP Sara kun kaya pigpoporbarang raiton an integridad kan ICI.
Pinagtanggol man kan opisyal an ICI asin pighurot na an mga miyembro kaini an pawang mga eksperto asin mayong bahid nin pamumulituka.
