Nagpakol na sa P16.92 trillion an kabilogang kantidad kan utang kan Pilipinas hasta sa pagtatapos kan bulan nin Mayo.
Mas halangkaw ini nin P166.20 billion o haros 1% puon kan natapos an bulan kan Abril. Sigun sa Bureau of Treasury (BTr), nagin bahagya sana an paglangkaw huli sa matrayumpong net issuances kan mga bagong domestic securities na nagresulta sa kumpiyansa kan mga mamumuhunan sa nasyon asin pagkusog kan ekonomiya.
Nakaapektaran man soboot digdi an pagkusog kan piso na nakapagpababa sa kantidad kan satuyang utang panluwas.
Sa ngunyan, nasa P11.8 trillion an pigkokonsiderar na domestic debt na bahagyang naglangkaw nin P189.6 billion.
Mapakol man sa P5.14 trillion an external debt o utang panlabas na mas hababa huli sa pirang mga binayadan na asin pagkusog kan piso kontra dolyar.
