NAGA CITY- Ikinaugma kan Volunteers Against Crime and Corruption (VACC) an desisyon kan House Committee on Justice manungod sa impeachment complaint laban ki Supreme Court (SC) Chief Justice Maria Lourdes Sereno.
Ini makalihis na mahilingan kan nasambitang komite na igwang sufficient grounds an reklamo na isinangat ni Atty Larry Gadon laban sa Chief Justice.
Sa entrevista kan Bombo Radyo Naga ki VACC Founding Chairman Dante Jimenez, sinaysay kaini na labi nindang ikinaugma an nasambitang desisyon huli ta matatawan na suboot nin hustisya an gabos na taong naagrabyado ni Sereno.
Nirerespeto man suboot ninda an diretsos ni Sereno na labanan an nasambitang impeachment complaint.
Marurumduman na nabasura an pigsunad na impeachment complaint sa kongreso kan VACC laban ki Sereno.
Enot kaini, sinaysay man kan VACC na mas marhay na magbutas na sana sa pwesto si Sereno huli ta nakakasupog suboot an mga grounds na inilatag ni Gadon laban sa Chief Justice.
