NAGA CITY– Plano ngunian kan Volunteers Against Crime and Corruption (VACC) na kaulayon an mga pamilya kan PNP-Special Action Force (SAF-44) na nagadan sa Mamasapano encounter na suportaran an saindang impeachment complaint kontra ki Office of the Ombudsman chief Conchita Carpio-Morales.
Sa ipinaabot na impormasyon ni Commodore Dante Jimenez, Founding Chairman ng VACC sa Bombo Radyo Naga, sinaysay kaining katanggap tanggap an resolusyong inaprubaran ni Morales huli ta garo pinawarang bisa sana kaini an enot na kaso na isinunad kan pamilya kan mga SAF troopers asin VACC sa dating presidente na Reckless Imprudence Resulting in Multiple Homicide na may 44 na bilang.
Sigon ki Jimenez, enot pa sana, nilalaoman na ninda na mangyayari an nasambitan ng lakdang huli sa pagpoprotekta ni Morales ki Aquino.
Enot nang sinaysay ni Morales, na an enot na pag-uyon kaini na makiaaram si dating PNP Chief Purisima sa operasyon sa Mamasapano maski na nasa irarom ini kan preventive suspension. an solamenteng sala sana Aquino.
Kung marurumduman, 44 miyembro kan SAF an nagadan sa madugong engkwentro sa mga rebeldeng Moro sa banwaan nin Mamasapano, Maguindanao kan enero 2015
