Pigtawan-duon ni Vatican secretary of state Cardinal Pietro Parolin na dae mapartisipar an Vatican sa “Board of Peace” na pigpapamayuhan ni US President Donald Trump tanganing e-take over an pagpapadalagan asin rekonstruksiyon kan Gaza.
Pigpaliwanag kan Kardinal na dae makikilahok an Holy See sa nasambitan ng board huli sa particular nature kaini.
Kan mahapot ini katakod sa partisipasyon kan Italy komo observer sa Board of Peace, pigsaysay ni Cardinal Parolin na igwang nagkapirang punto na suboot medyo nakapagtataka, asin igwang nagkapirang kritikal na isyu na dapat anya na maresolba.
Saro pa sa mga pigtawan duon ni Cardinal Parolin an dapat pag-abot sa international level an United Nation an dapat magmanihar sa mga crisis situation.
Saro suboot ini sa mga punto na saindang pigtutulod. Dugang pa kaini nagpaabot nin kahandalan an Vatican Secretary of State katakod sa giyera sa Ukraine, pirang aldaw antes an ikaapat na anibersaryo kan pagbungkaras kan Ukraine-Russia war sa Pebrero 24, sigun digdi hasta sa presente mayo pang nagiginibo an parihong panig kan Ukraine asin Russia na ano man na tunay na progreso pasiring sa tuninong na pag-uulay makalihis an apat na taon.
Mientrastanto, labi 25 na nasyon na an nag-anunsiyo na mapartisipar sa Board of Peace alagad nagkapirang nasyon pa man ang dae pig-ako an naging imbitasyon ni Trump kabali na an New Zealand, United Kingdom, Germany asin France.
