Naka-eksperyensiya si Pope Francis nin bronchospasm mantang ini an nasa Gemelli hospital.
Sigun sa Vatican, na huli digde an biglang naglala an saiyang respiratory condition asin ini an nagsuka pa.
Huli digde tulos man na nagsairarom an 88-anyos na Santo Papa sa bronchial aspiration tanganing malinigan an saiyang paghangos.
Ipigbugtak man ini sa non-invasive mechanical ventilation na nagresulta sa paggayon kan saiyang oxygen level.
Nagin alerto man an Santo Papa asin ini an nakikipag-koordinar sa anuman na sugo kan mga doctor.
Padagos na nakaalerto an mga doctor sa kamugtakan kan Santo Papa kun saen sinaysay kaini na bako na ining kritikal kumparar kan mga nakalihis na aldaw.
Nagpapadagos man an mga piggibong pagpangadyi nin rosary sa Vatican siring man an mga pagbisita kan mga mananampalataya sa hampang kan ospital kun saen nagtatao an mga ini nin mga burak asin mga surat para sa tulos na pagrahay kan Santo Papa.
