Makikipagpartner an Filipino tennis star na si Alex Ealsa sa tennis legend na si Venus Williams sa doubles draw kan Bad Homburg Open, segun sa report kan Tennis Channel.
Susog sa report, si Venus Williams yaon sa listahan nin mga paralaog para sa torneo sa Bad Homburg bilang pag-andam para sa Wimbledon, asin siya makikipagpartner ki Alex Eala sa doble.
Kabali man sa kompetisyon an German player na si Eva Lys, na tinawan nin wildcard entry sa main draw kan singles event kan WTA 500 tournament na gigibohon sa Bad Homburg, Germany.
Para ki Eala, 20, sarong pambihirang oportunidad na makipaglaban ki Williams, sarong pitong beses na kampeon sa Grand Slam singles asin saro sa pinakadominanteng parakawat sa kasaysayan kan tennis.
Bako ini an pinakaenot na pagkakataon na si Eala makikipagpartner o maatubang sa pamilya Williams sa korte. Kan Enero, dinaog ni Eala asin Iva Jovic an duo ni Venus Williams asin Elina Svitolina sa Round of 16 kan ASB Classic.
Mientrastanto, si Eala mapoon kan saiyang grass-court season sa WTA 125 Birmingham Open ngonian na Lunes, kun saen siya makikipag-olay man sa doubles kaiba an Czech player na si Nikola Bartunkova.
