Makalihis an 16-bulan na pahingalo asin problema sa salud, liwat nagtungtong sa court si Venus Williams, 45 anyos, sa saiyang pagbabalik sa Citi Open.
Nagresiber ini nin wild card entry sa WTA 500 tournament asin makakalaban an parehas Amerikanang si Peyton Stearns sa saiyang primerong laban.
Ini an primerong WTA appearance ni Williams gikan man sa 2024 Miami Open, makalihis ining magsairarom sa operasyon para sa fibroids. Bagaman bako na ining regular sa tour, masigasig ining nag-ensayo sa hard courts —an paborito kaining surface.
An saiyang huring trayumpo an nakalihis pang Agosto 2023 sa Cincinnati Open kontra ki Veronika Kudermetova kan Russia. Magpoon 2019, 37 na sana an saiyang nakawat na matches, asin man pito sana an saiyang naipuling gana.
Bagaman bihira na ining mahiling sa full season, nagtitinir na saro sa pinakamatatag asin man respetadong pangaran sa tennis, asin man an saiyang pagbabalik am importanteng panahon para sa buong tennis community.
