NAGA CITY – Ikinaogma ni Vice Governor Imelda Papin an matrayumpong Simulation Exercise sa pagpreparar sa ”The Big One” na isinagibo sa syudad nin Naga.
Sa intrevista sa Bise Gobernador, pigheras kaini an saiyang labing kaogmahan sa nagin resulta kan aktibidad.
Sigon ki Papin, sa ngunyan preparadong-preparado na an ciudad magin an CamSur enkaso magtama man an pighahandalang makusog na linog.
Mensahe man ni Papin sa mga namamanwaan na importanteng magkaigwa nin tamang kaaraman asin pagpreparar tanganing matabangan an sadiri, pamilya asin mga kababayan sa mga dae piglalaomang mga kalamidad.
