Aram baya nindo mga kaBombo, sarong kuting gikan sa sarong Shelter nin mga hayop sa Ohio na nagin viral huli sa saiyang pansamantalang silyang de rida na gibo sa mga ruler, zip tie, asin mga kawatan na Hot Wheels igwa na ngonian nin sarong custom-made na 3D-printed na silyang de rida.
An kuting, na an pangaran Gelato, dinara sa Cincinnati Animal CARE pagkatapos na magsapo nin lugad sa tulak na nagin dahelan kan saiyang mga tabay sa likod na maluya asin dai na kayang suportaran an saiyang gabat.
Si Gelato an nagin orolay kan banwaan sa social media pagkatapos na ihiras kan pailihan an saiyang pansamantalang silyang de rueda, na ginibo gamit an mga ruler, mga aling-alingan na Hot Wheels, karton, zip tie, asin tape. An tabang sa paghiro ginibo kan teknisyan sa beterinaryo na si Mallory Smith.
Sinabi kan Shelter na huli sa llabing suporta asin an paglakop kan istorya ni Gelato online, nakaresibe siya nin sarong pasadyang 3D-printed na silyang de rida na dinisenyo tanganing magkaigo sa saiyang mga pangangaipo.
