Sinaysay ni Commission on Elections (COMELEC) Chairman George Erwin Garcia na mas babantayan ninda orog na an pwedeng pagbakal asin pagpabakal kan mga boto ngunyan na naglaog na an local campaign period.
Sigun ki COMELEC Chairman Garcia, piglalaoman ninda na mas madakol pa an mga siring na klaseng reports ngunyan na naglaog na an panahon kan pangangampanya sa lokal na lebel.
Dugang pa kaini na sa presente mayo pa man naikukurit na imbwelto an national candidates. Pagsierto kaini na an gabos kan report na maipapasa sa komisyon an tulos nindang aaksyunan asin iimbestigaran.
Kun kinakaipuhan na madiskwalipika asin makasuhan an kandidato na napatunayan na ginibo ini, preparado an poll bpdy na gibuhon ini.
An Committee on Kontra-Bigay kan poll body an namamayo sa pagbabantay pag-abot sa mga vote-buying asin selling ngunyan na panahon kan pangangampanya.
