Labi sa 1.7 milyong aplikante ngunyan an naresiber kan lado kan Commission on Elections (Comelec) para sa voter registration sarong aldaw antes man na matapos an 10 aldaw na pigtalaang pagpapatala.
Magpuon Agosto 1 haata Agosto 9, kabilogang 1,725,297 indibidwal an nagsunad nin aplikasyon.
Dae mababa sa anom na rehiyon an nag-post kan labi sa 100,000 aplikasyon kada saro, kun saen an Calabarzon an nangengenot sa numero sa 217,386, sinundan kan Central Luzon (180,305), Bicol Region (137,129), National Capital Region (129,943), Central Visayas (117,631), asin man Ilocos Region (115,80).
Mantang nairehistro man kan Cordillera Administrative Region an pinakahababang numero nin mga aplikante na may 32,369.
Naabot kan Comelec an primerong sarong milyong target kaini limang aldaw pa sana sa registration period.
An rehistrasyon sa bilog na nasyon an komo preparasyon para sa Barangay asin man Sangguniang Kabataan Elections, na nakatalaan sa Disyembre 1 alagad ire-reset sa Nobyembre 2026 mantang hinahalat an pagtinta nin ley.
