Nagpakol na sa haros 900,000 an numero kanmga nagparehistro para sa Barangay asin SK Eelections. Sigun sa Commission on Elections, pinakadakol na numero an nairehistro sa Central Luzon, Metro Manila, asin CALABARZON Region.
Nilalaoman kan COMELEC na malalagpasan ninda an target na sarong milyong mga bagong botante sa pagtatapos kaini sa August 10. Mayo na man nahihiling na rason an poll body na palawigon pa an voter registration.
Paliwanag ni COMELEC Spokesperson Atty. John Rex Laudiangco, bastante na an 10 aldaw tangani makapagparehistro an mga Pilipino sa kadakol na lugar sa nasyon.
Mientrastanto, pigpuonan na kan nakalihis na aldaw an pag-imprenta kan nasa 200,000 balota para sa pagsasanay sa mga automated counting machine na gagamiton para sa BARMM Parliamentary Elections sa October 13.
