Igwang pirang dokumentos na sana na pighahalat si Vice President Sara Duterte antes ini makabweltada sa nasyon.
Nasa the Netherlands pa kaya an bise Presidente tanganing bisitahon an amang si dating Presidente Rodrigo Duterte gikan sa kustodiya kan International Criminal Court.
Pira digde an dokumento para sa pagsusunad ninda nin interim release kan dating Presidente.
Kasuodma, enot na aldaw kan Abril kaibahan kan bise Presidente an aki kan ama kaini na si Kitty Duterte.
Dae na ini nagtao pa nin anuman na ulayang legal huli ta pigpaubaya na sana kaini sa saindang abogado.
Pig-ako kan bise presidente na nagkaigwa nin magayon na resulta sana an pagkakakulong kan ama sa ICC huli ta nagin harani na ini sa saiyang mga tugang orog na ki Veronica ‘Kitty’ Duterte na aki jan saiyang ama sa ibang babae.
